|
Мехкан сийлахь йоI |
|
|
|
01.03.2010 г. |
 Соьлжа-ГIалин № 20 йолчу ишколерчу дешархошна юккъехь дIаяьхьира «Мехкан сийлахь йоI» конкурс. Иза дIаяхьаран Iалашо яра вайн къоман гIиллакхаш, Iадаташ, ламасташ лардар, чIагIдар, кегийрхойх вайн къоман буьззина патриоташ кхиор. 9–11-чуй классашкара мехкарий бара конкурсехь дакъалоцуш. 8 номинацехь дIаяьхьира конкурс: шех лаьцна хаза дийцар, эшар лакхар, тоьлла гIабали, вайнехан хелхар, вайнехан кхача, вайн къоман гIиллакхаш, Iадаташ дийцар, мехкарша кечлуш тIедуху тоьлла духар, тахана дуьненахь шена хила луург дийцар.
|
|
|
Курчалойн-Эвларчу Канташа дуьйцу |
|
|
|
01.03.2010 г. |
 1944-чу шеран февраль бутт... Кхин къиза хила йиш йоцуш Нохчийчу бала боьссина шо. «Бехк а боцуш дерриг а къам махках даьккхира – аьлла, долийра Давлетукаев Канташа шен дийцар. – Махках даккхар-м ша дара, дуккха а нах хIаллакбира-кх, хьаьшна дIадаха дигна а ма дара вай цига». Канташ тхан хаттаршна жоьпаш луш сих-сиха соцура, ойлане воьдура, карладуьйлура лайнарш. Цуьнан 11 шо дара махках воккхуш. Репрессиш йолуш Сталинан Iедало Канташан да тоьпаш а тоьхна, вийнера, нана, кIант ненавашас кхаба шайна тIе а лаьцна, маре дIаеллера. Тишачу вагонаш чу а боьттина, хIорш новкъабаьхча, хийла гергарнаш вовшех къаьстира, ткъа Канташ шен ненавешиций а, цуьнан кIантаций цхьаьна нисвелира. Уьш ГIиргIазерчу Таласехь совцийра – эрна арахь долу цхьа тиша жима цIа дара кхарна делларг. Шайн йижарий, вежарий, да, нана мичахь ду ца хууш, хийла стаг холчухIоьттина вара. Царех Канташар а бара. Кхаьрца цхьа а зуда а яцара, цундела, иштта а ца лалуш йолу шело а, мацалла а кхеран хIусамехь совъяьллера. Чохь йовхо латто-м цхьа амал бира Канташара, мацаллина дан хIума дацар-кх – лачкъийнарг, ядийнарг бен пхьор ца хуьлура. Канташан шича, кхуьнан хенара волу, дукха хан ялале чIогIа цомгаш хилира.
|
|
|
Буьззина пайдаэца беза маьІданех а, тІаьхьалонех а |
|
|
|
01.03.2010 г. |
 Кху тIахьарчу шерашкахь Россин экономикин кхиар уггар хьалха, говзанчаша хаам барехь, махлелоран декъах доьзна ду. Иштта, махлелор а, хьаштахойн рынок а цхьана эшшара дика кхуьуш ю Нохчийн Республикехь. Цундела ларамаза дацара Нохчийн Республикан экономика кхиоран а, махлелоран а министраца Магомадов Iабдуллица кху деношкахь тхан хилла долу къамел цу тIера дIадоладелла хилар. Муха хьал ду республикан махлелор кхиорехь? Нохчийн Республикан экономика кхиоран а, махлелоран а министерствона юкъайогIучу предприятех махлелоран болх беш муьлхарнаш ю? Тахана билггал ала йиш ю, вайн республикехь алсамйовлуш ю кху заманан предприятеш, толуш ду бахархойн хьашташ кхочушдар. Иштта тоелла йогIу махлелоран предприятийн белхахоша бахархойн хьашташ кхочушдарехь лелочу юкъаметтигийн культура а.
|
|
|
25–26-чуй февралехь Нохчийчохь шуьйра билгалдаьккхира Мухьаммад Пайхамар (а.с.с.) вина де |
|
|
|
01.03.2010 г. |
 Адамашка а, жинашка а бусалба дин кхайкхош веана вайн умматан да Мухьаммад Пайхамар (Делера салам-маршалла хуьлда цунна) дуьнен чу ваьлла РаббиІул-авваль беттан 12-гІа буьйса а, де а (26-гІа февраль) Нохчийчуьрчу берриг а бусалбанаша цкъа а ца даздинчу кепара даздира. Іуьйра ламазана молла кхайкхале 20–30 минот (герггарчу хьесапехь оцу хеначохь дуьнен чу ваьлла вайн Элча) хьалха Мухьаммад Пайхамар (Делера салам-маршалла хуьлда цунна) дуьнен чу варан хан язъеш, Соьлжа-ГІалахь а, кхечу шахьаршкахь а шатлакхаш делира. Дагна, кхетамна, ойланна цхьа тамашийна аьхналла, хьаам бира, Дела везар, Пайхамар везар чІагІдира цу шатлакхо. Соьлжа-ГІаларчу «Нохчийчоьнан дог» маьждигехь эзарнаш адамаша жамаІатехь ламаз дарца дІадуьйладелира коьрта даздарш.
|
|
|
Даймохк
